_ Ma'aikatar harkokin wajen gwamnatin Falasdinu ta yi kira ga kasashen duniya da su shiga tsakani cikin gaggawa, tare da matsawa gwamnatin mamaya na 'Isra'ila' lamba kan dakatar da "ayyukan ta'addanci" da masu tsattsauran ra'ayin mazan jiya suke yi kan mazauna kauyukan Palasdinawa da al'ummominsu.

Ma'aikatar, a cikin wata sanarwa, ta bukaci sakatare-janar na Majalisar Dinkin Duniya Antonio Guterres da ya gaggauta kunna tsarin ba da kariya ga Falasdinawa fararen hula a karkashin mamayar 'Isra'ila'.

Ta ce ta damu matuka game da karuwar hare-haren wuce gona da iri da ‘yan Isra’ila suka kai kan Falasdinawa, musamman a kauyukan Qaryout da Burqa da ke arewacin gabar yammacin kogin Jordan da kuma unguwar Sheikh Jarrah da ke gabashin Quds da ta mamaye, lamarin da ya yi sanadin mutuwar mutane da dama. 

Ma'aikatar ta dorama gwamnatin firaministan yahudawan sahyoniya Naftali Bennett  alhakin tashe-tashen hankula da ta'addanci kai tsaye, tare da yin gargadi kan illar da ayyukansu ke haifarwa kan matsayin yankin.

Bugu da kari, fadar shugaban kasar Falasdinu ta yi kira ga kasashen duniya da su gaggauta kawo karshen ta’addancin ‘yan Isra’ila da suke yi wa Falasdinawa.

Ya jaddada cewa hukumomin mamaya na ‘Isra’ila’ na karfafawa tare da kara tashe-tashen hankulan mazauna yankin, inda hakan ke karuwa a kullum.

PA ta ce kwanciyar hankali ba zai wanzu ba matukar Falasdinawa ba su samu kwanciyar hankali ba, inda ta kara da cewa halin da ake ciki yanzu zai sanya yankin gabas ta tsakiya cikin wani yanayi na tashin hankali.

Daruruwan masu tsattsauran ra'ayi 'Isra'ila' sun kai farmaki a kauyen Qaryout da ke kudu maso gabashin Nablus da sanyin safiyar Juma'a, inda suka jikkata Falasdinawa da dama tare da yin barna.

Ghassan Daghlas, wanda ke sa ido kan ayyukan matsugunan ‘Isra’ila’ a yankin arewa maso yammacin gabar kogin Jordan, ya ce mazauna garin sun kutsa cikin gidaje da dama a garin, tare da cin zarafin iyalan gida.

Falasdinawa da dama ne suka jikkata a cikin wannan hari, wadanda aka kai su asibitoci da dama a Nablus.

Gwamnatin Tel Aviv ta mamaye Yammacin Kogin Jordan da zirin Gaza a shekara ta 1967. 

_  Mahadi Tukur Almizan.
313 Resistance media.