– Jagoran Harkar Musulunci a Najeriya, Sheikh Ibrahim Zakzaky, ya ce Harkar Musulunci akida ce, kuma ba za a taba iya haramta ta ba.
Harkar Musulunci ba suna ba ce, akida ce kamar wayar da kan jama’a, ko akidar Musulunci, ko ilimin Musulunci, ko falsafar Musulunci, ba za a taba iya haramta wannan harkar ba. , Shaikh Zakzaky ya bayyana haka ne a yayin da yake maida martani kan matakin da gwamnati ta dauka na haramta harkar Musulunci a Najeriya.
Shaikh Zakzaky ya ce haramta harkar musulunci kamar ance bai halasta mutum ya yi addininsa bane, sabanin tsarin mulkin Najeriya.
A wani wajen kuma malamin ya ce har yanzu ni da matata akwai harsashi a jikinmu.
Ya kara da cewa matarsa tana da cikakken harsashi a jikinta wanda likitoci suka kasa cirewa.
"Amma, masana daga wajen kasar sun yi alkawarin cewa za su iya yin wani abu a kai."
A watan Disambar 2015 ne sojojin Najeriya suka kai farmaki cibiyar Huseiniyya Baqiyhatullah da gidan Shaikh Zakzaky da ke garin Zaria a jihar Kaduna a Najeriya, inda suka kashe daruruwan fararen hula da ba su da makamai, ciki har da mata da kananan yara.
©313 Resistance media.
0 Comments