_ Jiragen yakin masarautar Saudiyya sun tayar da tarzoma a yakin da suke yi da kasar Yemen, inda suka sake kai wani sabon farmaki ta sama a kan yankuna daban-daban na kasar da ke fama da rikici, a daidai lokacin da Riyadh da kawayenta na yankin ke ci gaba da kaddamar da hare-haren wuce gona da iri kan al'ummar kasar Yemen.
Kamfanin dillancin labaran iqna ya nakalto daga shafin sadarwa na yanar gizo na al-Masirah na kasar Yemen cewa, jiragen yakin Saudiyya sun kai farmaki ta sama har guda biyar kan unguwar al-Anab da ke babban birnin kasar Sanaa a yammacin jiya Lahadi.
Kawo yanzu dai babu rahoton asarar rayuka ko barnar da aka yi.
Jim kadan bayan haka, al-Masirah ta watsa wani faifan bidiyo daya nuna sakamakon harin da jiragen yakin Saudiyya suka kai kan wani wurin gyaran motoci.
Tun da farko jiragen yakin Saudiyya sun kai hare-hare ta sama har sau 34 kan yankuna daban-daban a lardin Ma'arib da ke tsakiyar kasar Yemen.
Kamfanin dillancin labarai na Saba, ya nakalto wani jami’in tsaro, ya bayar da rahoton cewa, hare-haren ta sama sun afkawa gundumomin al-Jubah da Sirwah, wanda ya haddasa mummunar barna ga gine-ginen fararen hula da kadarori.
Bugu da kari, jiragen yakin Saudiyya sun yi ruwan bama-bamai a gundumar Maqbanah da ke lardin Taiz a kudancin kasar Yaman sau 3, ko da yake ba a samu wani rahoto na yiwuwar asarar rayuka ba cikin gaggawa.
_ Mahadi Tukur Almizan.
313 Resistance media.
0 Comments